ფლიკი: "არაუხოს დაბრუნებას არ დავაჩქარებთ"

ბარსელონას მთავარმა მწვრთნელმა ჰანსი ფლიკმა რონალდ არაუხოს მდგომარეობაზე ისაუბრა.

"არაუხო კარგ ფორმაშია, ჩვენ მის დაბრუნებას არ დავაჩქარებთ.

მას უნდა მოვუაროთ, რადგან ცუდი ტრავმა გადაიტანა. მოხარული ვიქნები, როცა ის დაგვიბრუნდება." - განაცხადა გერმანელმა სპეციალისტმა.

ურუგვაელმა მცველმა ტრავმა ზაფხულში ჩატარებულ კოპა ამერიკაზე მიიღო და მას შემდეგ რეაბილიტაციის პროცესს გადის.

არაუხოს ჰანსი ფლიკის თავკაცობით ბარსელონაში ჯერ არ უთამაშია.