ფლიკს დეკუს შერჩეული ვარიანტი არ მოსწონს და სხვა შემტევებს ამჯობინებს

ჰანსი ფლიკს ბარსას სპორტული დირექტორის, დეკუს არჩეული ვარიანტი მარცხენა ვინგერის პოზიციაზე არ მოსწონს.

როგორც ცნობილია, დეკუს ბარსაში ლივერპულის შემტევის, ლუის დიასის მიყვანა სურს, რომლის ტრანსფერიც 60-70 მილიონ ევროდ არის შეფასებული.

თუმცა, Marca-ს ინფორმაციით, ამ ვარიანტს ჰანსი ფლიკი არ მიესალმება, რომელსაც ბარსაში უფრო ახალგაზრდა ფეხბურთელი ჰყავს გეგმაში ამ პოზიციისთვის.

გერმანელ სპეციალისტს ლუის დიასის ნაცვლად ნიკო უილიამსის ან ადემოლა ლუკმანის ტიპის მოთამაშის ხილვა ურჩევნია.