ქართველების დუელი - ლიონი VS პსჟ [სავარაუდო შემადგენლობები]

საფრანგეთის ლიგა 1-ის 23-ე ტურში ლიონი საკუთარ მოედანზე პარი სენ-ჟერმენს მიიღებს. 

ფრანგული გამოცემა Le Parisien გუნდების სავარაუდო შემადგენლობებს აქვეყნებს.

ლიონი - პერი; კუმბედი, მატა, ნიახატე, ტალიაფიკო; ტესმანი, მატიჩი, ტოლისო; შერკი, მიქაუტაძე, ნუამა

პსჟ - დონარუმა; ჰაკიმი, მარკინიოსი, პაჩო, ნუნუ მენდეში; ნევეში, ვიტინია, დუე; ბარკოლა, დემბელე, კვარაცხელია

თუ Le Parisien-ს დავუჯერებთ, ორივე ქართველი სასტარტო შემადგენლობაში იქნება და მათ დუელს მატჩის დასაწყისიდანვე ვიხილავთ.

თამაშის წინ პსჟ 56 ქულით სატურნირო ცხრილში პირველ ადგილზეა, ლიონი კი 36 ქულით მე-6 პოზიციას იკავებს.

ლიგა 1-ის მიმდინარე სეზონში გიორგი მიქაუტაძის ანგარიშზე 6 გოლი და 1 საგოლე გადაცემაა, საფრანგეთში ახლად გადმოსულმა ხვიჩა კვარაცხელიამ კი თითო გოლისა და ასისტის აქტივში ჩაწერა მოასწრო.

ლიონისა და პარი სენ-ჟერმენის შეხვედრა 23:45 საათზე დაიწყება.

შაბათ-კვირის ქვიზი: ლიონი VS პსჟ