სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
1 დღის წინ · 0 წთ წასაკითხად
-
Aa
+
ფონტის ზომა
ესპანური MAS Fichajes გიორგი ქოჩორაშვილის შესახებ საინტერესო სტატიას აქვეყნებს.
"გიორგი ქოჩორაშვილი ერთ-ერთი ყველაზე განხილვადი სახელი ხდება და ყველაფერი იმაზე მიანიშნებს, რომ ის ზაფხულის ერთ-ერთი ბომბი იქნება.
უმაღლეს დივიზიონში ყოველთვის ეძებენ გაძლიერების ვარიანტებს და გუნდებისთვის განსაკუთრებით მიმზიდველი მეორე დივიზიონის მოთამაშეები არიან, რომლებსაც შესაბამისი პროფილი აქვთ და ვითარდებიან. ამ შემთხვევაში, ასეთი ადამიანი გიორგი ქოჩორაშვილია, რომელიც ლა ლიგის რამდენიმე გუნდის რადარზე უკვე მოხვდა.
ცოტა ხნის წინ ქართველი მოთამაშე ხეტაფეს დაუკავშირეს. ახლა კი ვრცელდება ინფორმაცია, რომ ლევანტეს ნახევარმცველისთვის ბრძოლაში კიდევ ერთი გუნდი გამოჩნდა მალიორკას სახით. კლუბს გაძლიერება სურს და სჯერათ, რომ გიორგი იდეალური ვარიანტია.
მალიორკა არ გეგმავს, რომ ასეთი ტრანსფერი ზამთარში განახორციელოს. კლუბს ურჩევნია, რომ ზაფხულამდე მოიცადოს ასეთი მნიშვნელოვანი შენაძენისთვის. ქოჩორაშვილმა ლა ლიგა 2-ის ახალი სეზონი კარგად დაიწყო და ლევანტეს ლა ლიგაში ვერ ამოსვლის შემთხვევაშიც, შეიძლება მან უმაღლესი დივიზიონის საგზური მოიპოვოს.
ბოლო რამდენიმე თვის განმავლობაში გიორგის საოცარი განვითარება ვნახეთ. სწორედ ამან მოახვედრა ის რამდენიმე კლუბის რადარზე, ახლა კი საუკეთესო პოზიციაში ხეტაფე და მალიორკა არიან. ის ამ დროისთვის უდაოდ მეორე დივიზიონის ერთ-ერთი საუკეთესო მოთამაშეა.
გიორგი ქოჩორაშვილის მომავალი უდაოდ დამოკიდებული იქნება ამ სეზონში მის განვითარებაზე და იმ შესაძლო შემოთავაზებებზე, რომელსაც ის მიიღებს. ჯერ ადრეა იმაზე საუბარი, თუ სად წავა, მაგრამ ფაქტია, რომ მისი დანიშნულების ადგილი ლევანტე აღარ იქნება, განსაკუთრებით მაშინ, თუ გუნდი მეორე დივიზიონში დარჩება."
თ
თაზო ჩარკვიანი
კომენტარები