რა ბედი ეწევა ნისტელროის რუბენ ამორიმის დანიშვნის შემდეგ?

ამა წლის ზაფხულიდან ლეგენდარული ფორვარდი რუუდ ვან ნისტელროი მან იუნაიტედში მთავარი მწვრთნელის ასისტენტის როლს ასრულებდა.

როგორც იცით, გუშინ წითელი ეშმაკებიდან ოფიციალურად დაითხოვეს ერიკ ტენ ჰაგი, მის ნაცვლად, დროებით მწვრთნელად კი სწორედ რუუდი დაინიშნა.

თუმცა, სიტუაცია ისე ლაგდება, რომ ნისტელროის მანჩესტერის სათავეში შესაძლოა ერთი მატჩის ჩატარებაც არ დასცალდეს.

საქმე ისაა, რომ რუბენ ამორიმის მანჩესტერში დანიშვნა უბრალოდ დროის ამბავი ჩანს, ამიტომ რუუდის დღეებიც, მანჩესტერის მწვრთნელის რანგში, დათვლილია.

როგორც Daily Telegraph-ის ჟურნალისტი წერს, როგორც კი ამორიმი იუნაიტედში დაინიშნება, ნისტელროი კლუბს უმალვე დატოვებს.

შეგახსენებთ, რომ მანჩესტერის, რეალის და ნიდერლანდების ნაკრების ყოფილ ფორვარდს მთავარ მწვრთნელად მუშაობის გამოცდილებაც აქვს - ამ თანამდებობას ის 2022-2023 წლებში პსვ-ში იკავებდა.