შეთანხმება შედგა! მანჩესტერს ამორიმი გაწვრთნის

შეთანხმება შედგა - მანჩესტერ იუნაიტედს პორტუგალიელი მწვრთნელი, რუბენ ამორიმი ჩაიბარებს.

ლისაბონის სპორტინგთან გაფორმებულ კონტრაქტში ამორიმს გამოსასყიდი თანხა ჰქონდა ჩაწერილი - 10 მილიონი ევრო. 

ვინ არის მწვრთნელი, რომელიც მანჩესტერში ტენ ჰაგის შეცვლასთან არის ახლოს?

სპორტინგმა ოფიციალურად დაადასტურა, რომ იუნაიტედმა ამ თანხის გადახდის მზადყოფნა გამოთქვა. 

სპეციალისტს მანჩესტერულ კლუბთან პირადი კონტრაქტი უკვე შეთანხმებული აქვს, მან კლუბის მიერ შემოთავაზებულ ხელფასზე თანხმობა განაცხადა და წარდგენილი პროექტიც მოიწონა.

უახლოეს პერიოდში, იუნაიტედი ამორიმის დანიშვნას ოფიციალურად დაადასტურებს.