რჩება თუ მიდის? ანჩელოტიმ გადაწყვეტილება მიიღო - Onda Cero

ესპანური Onda Cero-ს ინფორმაციით, კარლო ანჩელოტიმ საკუთარ მომავალთან დაკავშირებით გადაწყვეტილება მიიღო.

წყაროს ცნობით, იტალიელმა სპეციალისტმა სეზონის ბოლოს მადრიდის რეალის დატოვება გადაწყვიტა.

როგორც ჩანს, მისი ეს გადაწყვეტილება საბოლოოა და აღარ შეიცვლება. Onda Cero-ს თქმით, რეალის მთავარი მწვრთნელობის ფავორიტი ჩაბი ალონსოა.

ანჩელოტი სამეფო კლუბში მეორედ 2021 წელს ევერტონიდან მივიდა და გუნდს ჩემპიონთა ლიგა, ლა ლიგა, ესპანეთის სუპერთასი, უეფას სუპერ თასი და მსოფლიოს საკლუბო ჩემპიონატი ორ-ორჯერ მოაგებინა, კოპა დელ რეი კი ერთხელ.