რეალი რუდიგერისთვის გამონაკლისის დაშვებას აპირებს

Marca-ს ინფორმაციით, მადრიდის რეალი ანტონიო რუდიგერისთვის ახალი კონტრაქტის შეთავაზებას აპირებს.

მადრიდული გამოცემა იტყობინება, რომ გერმანელი მცველი რეალისგან კონტრაქტის 2027 ან 2028 წლამდე გახანგრძლივების შეთავაზებას მიიღებს.

როგორც წესი, ეს რეალის მიდგომას ეწინააღმდეგება, რომელიც 30 წელს გადაცილებულ ფეხბურთელებს მხოლოდ 1-წლიან გახანგრძლივებას სთავაზობს ხოლმე, თუმცა, კლუბი რუდიგერით კმაყოფილია და მისთვის გამონაკლისის დაშვებას აპირებს.

ფეხბურთელს მოქმედი ხელშეკრულება კლუბთან 2026-ს ზაფხულში ეწურება.