რეალის მომდევნო მატჩებში მარჯვენა მცველი ფედე ვალვერდე იქნება

უახლოეს მატჩებში, მადრიდის რეალში მარჯვენა მცველის პოზიციაზე ფედე ვალვერდე ითამაშებს.

შეგახსენებთ, რომ პროფილური მარჯვენა მცველები რეალში დაშავებულები არიან, ლუკას ვასკესი 3 კვირიდან 1 თვემდე გამოტოვებს, დანი კარვახალი კი ამ სეზონსი ვეღარ ითამაშებს.

AS-ის ინფორმაციით, მათ არყოფნაში რეალში მარჯვენა მცველად კარლო ანჩელოტი ურუგვაელ ფეხბურთელს გამოიყენებს.

რეალში ყოფნის პერიოდში ფედემ ამ პოზიციაზე 4 მატჩი ჩაატარა - 2 ზინედინ ზიდანის ხელმძღვანელობით, 2 კი - კარლო ანჩელოტის. უკანასკნელად ამ პოზიციაზე ვალვერდე 2022 წლის იანვარში ვიხილეთ.