რეალთან მატჩში მონაწილეობა საეჭვოა - ტრენტი ტრავმირებულია

ასტონ ვილასთან პრემიერ ლიგის მატჩში, ტრენტ ალექსანდრ-არნოლდმა დაზიანება მიიღო.

როგორც ბრიტანული პრესა წერს, ინგლისელ მარჯვენა მცველს მინიმუმ რამდენიმე კვირა გაუცდება.

ფეხბურთელმა უფრო მძიმე დაზიანება აირიდა თავიდან იმით, რომ დისკომფორტი იგრძნო და შეცვლა მალევე მოითხოვა.

ამ ეტაპზე ნაკლებად სავარაუდოა, რომ ტრენტმა რეალთან 27 ნოემბერს გასამართ ჩემპიონთა ლიგის მატჩში მიიღოს მონაწილეობა.