რონალდინიო საქართველოში ითამაშებს

16 მაისს დინამო არენაზე ერთმანეთს Geo 11 და Barça Legends დაუპირისპირდებიან. გულშემატკივარი მოედანზე მათთვის საყვარელ ფეხბურთელებს იხილავს. მათ შორის მთავარი ვარსკვლავი - 2005 წლის ოქროს ბურთის მფლობელი, რონალდინიო იქნება.

2002 წლის მსოფლიო ჩემპიონი და ყველა დროის ერთ-ერთი საუკეთესო ფეხბურთელი საქართველოში პირველად ითამაშებს

ლეგენდების სერიის მეორე მატჩზე დასასწრები ბილეთების გაყიდვა TKT.GE-ზე უკვე დაიწყო. - ინფორმაციას მატჩის ორგანიზატორი Sports Orient სოციალურ ქსელში ავრცელებს.

ასევე ცნობილია, რომ თამაშში მონაწილეობას მიიღებენ შოთა არველაძე, თემურ ქეცბაია, ხავიერ სავიოლა და გაისკა მენდიეტა.