სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
ევროპის ჩემპიონატის მოსამზადებელ ეტაპზე პორტუგალიის ნაკრებმა ბოლო ამხანაგური მატჩი გამართა.
რობერტო მარტინესის გუნდი ირლანდიას დაუპირისპირდა და მეტოქე 3-0 დაამარცხა.
მე-18 წუთზე ანგარიში ბრუნო ფერნანდეშის პასის შემდეგ ჟოაო ფელიქსმა გახსნა.
50-ე და მე-60 წუთებზე თავი კრიშტიანუ რონალდუმ გამოიჩინა და დუბლი შეასრულა. შვიდიანმა ორივე გოლი მარცხენა ფეხით გაიტანა. პირველ შემთხვევაში საგოლე გადაცემა რუბენ ნევეშმა მიითვალა, მეორეში კი - დიოგუ ჟოტამ.
რონალდუს სანაკრებო დონეზე უკვე 130 გოლი დაუგროვდა, რაც, რა თქმა უნდა, აბსოლუტური რეკორდია, სულ კი კრიშტიანუს კარიერაში 895 გოლი აქვს გატანილი. ევროპის ჩემპიონატზე მას შანსი ექნება 900-გოლიან ნიშნულს მიაღწიოს.
პორტუგალიის ნაკრებისთვის ეს მატჩი მოსამზადებელ ეტაპზე მესამე იყო. პირველ შეხვედრაში მარტინესის შეგირდებმა ფინეთი დაამარცხეს 4-2, ხორვატიასთან კი 1-2 დამარცხდნენ.
პორტუგალია ევრო 2024-ზე პირველ დაპირისპირებას 18 ივნისს ჩეხეთის ნაკრებთან გამართავს, 22 ივნისს თურქეთთან, ხოლო ჯგუფის ბოლო მატჩში საქართველოს ნაკრებს დაუპირისპირდებიან.
თ
თაზო ჩარკვიანი
კომენტარები