სალია მომდევნო კვირაში ინგლისში ჩავა

Geo Team-ის ინფორმაციით, ვახო სალია მომდევნო კვირაში ნიუკასლში ჩავა.

17 წლის ფეხბურთელი ნიუკასლის საწვრთნელ ბაზას დაათავლიერებს, პირველი გუნდის ფეხბურთელებს შეხვდება და 14 დეკემბერს ნიუკასლი - ლესტერის მატჩს დაესწრება.

ფეხბურთელი ინგლისს მამასთან და აგენტთან, ლევან სეთურიძესთან ერთად ესტუმრება.

ნიუკასლმა ვახო სალია დინამო თბილისიდან შეიძინა. ახალგაზრდა მოთამაშე კაჭკაჭებს 2025 წლის ზაფხულში შეუერთდება, როცა სრულწლოვანი გახდება.