საუდის არაბეთი ზაფხულში ვინისიუსს დაუბრუნდება

გასულ ზაფხულს საუდის არაბეთი ვინისიუს ჯუნიორის მოთაფლვას მაღალი ხელფასით ცდილობდა.

საბოლოოდ, ბრაზილიელი სუპერვარსკვლავი მადრიდის რეალში დარჩა.

თუმცა, როგორც Marca იუწყება, საუდელები დანებებას არ აპირებენ და ვინის გადაბირებას მომავალ ზაფხულსაც შეეცდებიან.

თავის მხრივ, რეალი მშვიდად არის, რადგან ფეხბურთელის გაყიდვა არ სურს, მისი კონტრაქტის გამოსასყიდი თანხა კი 1 მილიარდ ევროს შეადგენს.

მადრიდელები დარწმუნებულები არიან, რომ ვინისიუსი კლუბის ერთგულად დარჩება, განურჩევლად იმისა, რა შემოთავაზებაც არ უნდა ედოს მაგიდაზე.