სენსაცია ცინცინატიში - ალკარასი მონფილსთან სამ სეტში დამარცხდა

ცინცინატის მასტერსის სერიის ტურნირის მოქმედი ფინალისტი, კარლოს ალკარასი 1/16 ფინალში ფრანგ გაელ მონფილსთან დამარცხდა.

შეხვედრა 2 საათს და 31 წუთს გაგრძელდა და ვეტერანის სენსაციური გამარჯვებით 4:6 7:6 (5) 6:4 დასრულდა.

მონფილსმა ამ გამარჯვებით 1/8 ფინალში გასვლა შეძლო, ალკარასმა კი შარშანდელი ფინალი ვერ გაიმეორა და 720 სარეიტინგო ქულას დაკარგავს.

ტურნირზე პირველ ნომრად იტალიელი იანიკ სინერია განთესილი, რეიტინგის მეორეადგილოსანი ნოვაკ ჯოკოვიჩი კი ტურნირს მოგებული ოლიმპიადის შემდეგ ჩაეხსნა.