შესნის დებიუტი და ლევანდოვსკის დუბლი - ბარსა თასის 1/8 ფინალში დამაჯერებლად გავიდა

კოპა დელ რეის 1/16 ფინალში ბარსელონამ სტუმრად ბარბასტრო გაანადგურა.

შეხვედრა ფლიკის გუნდის გამარჯვებით 4:0 დასრულდა.

დუბლი შეასრულა რობერტ ლევანდოვსკიმ, თითო გოლი კი ერიკ გარსიამ და პაბლო ტორემ გაიტანეს.

ამ მატჩში ბარსელონას მაისურით ვოიცეხ შესნის დებიუტი შედგა, რომელმაც კარის მშრალად შენახვა მოახერხა.

ასევე, ხანგრძლივი ტრავმის შემდეგ მოედანს რონალდ არაუხოც დაუბრუნდა, რომელმაც 21-ე წუთზე ერიკ გარსიას გაატანინა. 

ბარსელონამ დამაჯერებელი გამარჯვებით 1/8 ფინალის საგზური მოიპოვა, მომდევნო ეტაპის მეტოქეს კი წილისყრის შემდეგ შეიტყობს.