შეთანხმება შედგა - ჰოილუნდი ნაპოლიში ითამაშებს

რასმუს ჰოილუნდი სერია ა-ში ბრუნდება.

ფაბრიციო რომანოს ინფორმაციით, მანჩესტერ იუნაიტედსა და ნაპოლის შორის შეთანხმება შედგა.

დანიელი ფორვარდი ნაპოლის იჯარით, 6 მილიონ ევროდ შეუერთდება. ნეაპოლიტანურ კლუბს ფეხბურთელის გამოსყიდვა 44 მილიონ ევროდ შეეძლება.

თუ 2025/26 სეზონში ნაპოლი ჩემპიონთა ლიგის საგზურს მოიპოვებს, ჰოილუნდის გამოსყიდვა კლუბისთვის სავალდებულო გახდება.

უახლოეს 24 საათში ფეხბურთელი ნეაპოლში სამედიცინო შემოწმებას გაივლის, რის შემდეგაც კონტრაქტს ოფიციალურად გააფორმებს.