შორს გაქცევის შანსი ლივერპულს - არსენალმა წელი ფრით დაიწყო

პრემიერ ლიგის მე-20 ტურში არსენალმა სტუმრად ბრაიტონს ვერ მოუგო.

შეხვედრა ფრედ 1:1 დასრულდა.

არტეტას გუნდი მე-16 წუთზე ნვანერის გოლით დაწინაურდა, თუმცა 61-ზე ჟოაო პედრომ დანიშნული თერტმეტმეტრიანი სისრულეში მოიყვანა და არსენალს ძვირფასი ორი ქულა წაართვა.

მეთოფეებმა სამმატჩიანი მოგებათა სერიის შემდეგ ქულები დაკარგეს, 40 ქულა დააგროვეს და მე-2 ადგილს იკავებენ, ლიდერი ლივერპულია 45 ქულით, რომელსაც ორი მატჩით ნაკლები აქვს ჩატარებული და პოტენციურ +11 ქულაში შეუძლია გასვლა, ბრაიტონმა კი ზედიზედ მე-4 ფრე ითამაშა და 28 ქულით მე-10 პოზიციაზეა.