სლოტი: "კიეზა ცოტა ხნით ბრუნდება და შემდეგ ისევ იმტვრევა"

არნე სლოტის თქმით, მან არ იცის, როდის დაბრუნდება მწყობრში ფედერიკო კიეზა.

„რთული სათქმელია, როდის დაბრუნდება კიეზა... იმიტომ, რომ ის დაზიანებას იღებს, შემდეგ ცოტა ხანს ჩვენთან ერთად ვარჯიშობს და ისევ ტრავმის გამო გვაკლდება." - ციტირებს ნიდერლანდელის სიტყვებს ფაბრიციო რომანო.

სლოტმა ასევე ისიც დაამატა, რომ ნოემბრის სანაკრებო პაუზამდე დიოგუ ჟოტას და ჰარვი ელიოტის დაბრუნება ნაკლებად სავარაუდოა.

კიეზა ლივერპულს იუვენტუსიდან გასულ ზაფხულს 14 მილიონ ევროდ შეუერთდა და ამ დრომდე მერსისაიდული კლუბის მაისურით მხოლოდ 3-ჯერ ითამაშა, ჯამში 78 წუთი.