სიახლეები
სეტანტა
სპორტის გურუ
ქვიზები
-
Aa
+
ფონტის ზომა
ინგლისის პრემიერ ლიგის მე-8 ტურის ცენტრალურ მატჩში ენფილდზე ლივერპული ჩელსის მიიღებს (19:30).
ეს მატჩი ყველაფერთან ერთად საინტერესო იმითაც იქნება, რომ ერთმანეთს პირველად დაუპირისპირდებიან გუნდების ახალი მთავარი მწვრთნელები, არნე სლოტი და ენცო მარესკა.
ორივე სპეციალისტისთვის პრემიერ ლიგაში სადებიუტო სეზონია, თუმცა ეს მათი გუნდების შედეგებს ნაკლებად ეტყობა.
ლივერპულს 7 მატჩის შემდეგ 18 ქულა აქვს და სატურნირო ცხრილის სათავეშია, ჩელსი კი ლიდერს სულ რაღაც 4 ქულით ჩამორჩება.
მერსისაიდელებს ყველა ტურნირზე 6-მატჩიანი მოგებათა სერია აქვთ, ლონდონელებს კი 7 შეხვედრაა არ წაუგიათ.
გუნდები ბოლოს ერთმანეთს კარაბაო თასის ფინალში შეხვდნენ, სადაც წითლებმა ვირჯილ ვან დაიკის გოლით იმარჯვეს, პრემიერ ლიგაში კი ენფილდზე მატჩი 4-1 დასრულდა მასპინძელთა გამარჯვებით, ხოლო სტემფორდ ბრიჯზე ფრე 1-1 დაფიქსირდა.
თუმცა შარშანდელი სეზონი სხვა ისტორიაა, იმის შემდეგ მწვრთნელი ორივე გუნდს შეეცვალა და ახალი სეზონიც ორივე გუნდმა კარგად დაიწყო. ასე რომ აფიშა მიმზიდველია და საინტერესოა, თუ ვინ გაიმარჯვებს სლოტისა და მარესკას პირველ დუელში.
არ გამოტოვო პრემიერლიგის საუკეთესო მატჩები. თვალი ადევნე მატჩებს ლაივში სრულიად უფასოდ.
თ
თაზო ჩარკვიანი
კომენტარები