"ტიტულისთვის ვიბრძოლებ" - ვოლკანოვსკიმ ლოპესთან ბრძოლა უარყო

UFC-ის ქვემსუბუქი წონის ყოფილმა ჩემპიონმა, ალექსანდერ ვოლკანოვსკიმ თავის მომავალ ბრძოლაზე ისაუბრა და დიეგო ლოპესთან შესაძლო დაპირისპირება უარყო.

"ლოპესის საკითხი საიდან მოვიდა, არ ვიცი. არასდროს იცი, რა მოხდება, მაგრამ მე ტიტულისთვის ვიბრძოლებ, ფოკუსი ამაზე მექნება და ვნახოთ, რა იქნება. 

ზუსტად არ ვიცი, სად და როდის ჩატარდება. ეს მთავარი კითხვაა. ვნახოთ, ესპანეთში სტადიონი თუ გამოვა, თუ არადა სიდნეიც ვარიანტია და ამისთვის მზად ვიქნები." - განაცხადა ავსტრალიელმა.

ალექსანდერ ვოლკანოვსკიმ ტიტული თებერვალში ილია თოფურიასთან დათმო, ქართველმა კი შემდეგ ქამარი მაქს ჰოლოუეისთან დაიცვა.

ავსტრალიელ მებრძოლს ქვემსუბუქი წონის ჩემპიონის ტიტულის დაბრუნება სურს და მზად არის, ილია თოფურიას კვლავ დაუპირისპირდეს.