ესპანეთის ლა ლიგის 26-ე ტურის მატჩში ბარსელონა კამპ ნოუზე ვილიარეალს მიიღებს.
თებერვლის თვის საუკეთესო მოთამაშის სტატუსით თავის პირველ შეხვედრას ჩაატარებს გიორგი მიქაუტაძე, რომელმაც 3 გოლისა და 1 საგოლე გადაცემის შესრულების შემდეგ აღნიშნული პრიზი მოიგო.
ბარსელონა სატურნირო ცხრილს 61 ქულით სათავეში უდგას და მდევარ რეალს 1 ქულით უსწრებს. ვილიარეალს კი 51 ქულა აქვს და მე-3 ადგილზე იმყოფება, მეოთხეადგილოსან ატლეტიკოსთან კი სხვაობა 3 ქულაა.
ლა ლიგის მიმდინარე სეზონში კატალონიელთა საუკეთესო ბომბარდირი 12 გოლით ფერან ტორესია, ლამინ იამალის ანგარიშზე კი 10 გოლი და 9 საგოლე გადაცემაა.
ვილიარეალის მხრიდან კი გამორჩეულები ალბერტო მოლეირო (9 გოლი და 4 საგოლე გადაცემა) და გიორგი მიქაუტაძე (8 გოლი და 4 საგოლე გადაცემა) არიან.
სავარაუდო შემადგენლობები
ბარსელონა - ჟოან გარსია; კუნდე, კუბარსი, ერიკ გარსია, ბალდე; ფერმინი, ბერნალი, პედრი; იამალი, ტორესი, რაფიინია
ვილიარეალი - ჟუნიორი; მოურინიო, ნავარო, ვეიგა, კარდონა; ბუკანანი, კომესანია, გეიე, მოლეირო; პეპე, მიქაუტაძე
მატჩი 19:15 საათზე დაიწყება.
