სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
ფრანგული L'Equipe გიორგი მიქაუტაძის შესახებ საინტერესო ინფორმაციას ავრცელებს.
წყაროს ცნობით, ქართველმა ფეხბურთელმა მონაკოს, რომელმაც მეცთან გასულ კვირას შეთანხმებას მიაღწია, უარი უთხრა და ლიონს შეუთანხმდა, რომელიც თავისთავად მეცს მალე გაუგზავნის შეთავაზებას.
ლიონი კვლავ იქნება გუნდის ბომბარდირის ალექსანდრ ლაკაზეტის იმედზე მომდევნო სეზონში, თუმცა კაპიტანს კონტრაქტის ბოლო წელი ეწყება და გუნდს ახალი საერთაშორისო დონის თავდამსხმელი ესაჭიროება. სასტარტო თერთმეტეულის გაძლიერების მიზნით, ლიონის ლიდერები რამდენიმე კვირის განმავლობაში კავშირზე იყვნენ მიქაუტაძესთან, რომელიც სწორედ ამ ქალაქში დაიბადა და კლუბის აკადემიაშიც თამაშობდა. კლუბმა დიდი სამუშაო გასწია, რომ გიორგი დაეთანხმებინა, მითუმეტეს როცა მის პოზიციაზე ლაკაზეტი დარჩა და საუდის არაბეთის შემოთავაზებაზე უარი თქვა.
ევროპის ჩემპიონატის თანაბომბარდირს ლიონის დირექტორებთან შეთანხმებისთვის დიდი დრო არ დასჭირდა და 5-წლიან კონტრაქტს დათანხმდა.
ლიონი მეცთან მოლაპარაკებას გამართავს, რომელმაც თავდამსხმელი აიაქსიდან 13 მილიონ ევროდ გამოისყიდა. მეცი უკვე დათანხმდა მონაკოს 20-მილიონიან შემოთავაზებას გასულ კვირას, მაგრამ მიქაუტაძე ამ ტრანსფერს არ დათანხმდა.
ლიონს შესაძლოა იმედი ჰქონდეს, რომ მოთამაშის მათთან გადასვლის სურვილი ფასის დასაკლებად გამოიყენოს. ლიონი მიქაუტაძეზე ფსონს სეზონის დასაწყისშივე დადებს, რადგან ლაკაზეტი აგვისტოში მიუწვდომელი იქნება, რადგან ის საფრანგეთის ოლიმპიურ ნაკრებთან ერთად პარიზში ითამაშებს.
მიქაუტაძის შესახებ ინფორმაციას იტალიელი ჟურნალისტი ფაბრიციო რომანოც ავრცელებს და ამბობს, რომ მონაკოსა და მოთამაშის გარემოცვას შორის დეტალებზე შეთანხმება ვერ მოხერხდა, როცა უკვე სამედიცინო შემოწმება უკვე ჩანიშნული იყო. ლიონი დარწმუნებულია, რომ ტრანსფერს მალე დახურავს.
განახლება: L'Equipe იუწყება, რომ ლიონსა და მეცს შორის შეთანხმება 18 მილიონ ევროზე შედგა, მიქაუტაძე ლიონში სამშაბათს ჩაფრინდება და სამედიცინო შემოწმებას გაივლის.
თ
თაზო ჩარკვიანი
კომენტარები
ნაპოლიმ ხვიჩასა და ნიცას მიულოცა
ფეხბურთი