უგოლო მატჩი საბერძნეთში, უხვგოლიანი ფრე ჩეხეთში

უეფას ჩემპიონთა ლიგის მეორე დღეს ორი ადრეული მატჩი გაიმართა.

ოლიმპიაკოსმა საკუთარ მოედანზე პაფოსი მიიღო, სლავია პრაღამ კი ბოდო/გლიმტს უმასპინძლა.

ბერძნულ-კვიპროსული დაპირისპირება უგოლოდ დასრულდა. 26-ე წუთზე სტუმრები კაცნაკლული დარჩნენ, ბრუნომ მეორე ყვითელი ბარათი მიიღო და თამაშის დატოვება მოუწია.

მატჩის ბოლომდე კი ოლიმპიაკოსმა რიცხობრივი უპირატესობით ვერ ისარგებლა და საბოლოოდ მატჩის ბოლოს ტაბლოზე 0-0 აისახა.

ფრე დაფიქსირდა პრაღაშიც, თუმცა უხვგოლიანი. 23-ე წუთზე ანგარიში იუსუფა მბოჯიმ გახსნა და მასპინძლებმა პირველი ტაიმი 1-0 მოიგეს. 54-ე წუთზე კასპერ ჰოგმა პენალტი ვერ გამოიყენა და სტუმრებმა ანგარიშის გათანაბრების შანსი ხელიდან გაუშვეს.

74-ე წუთზე მბოჯიმ დუბლი შეასრულა და ჩეხურ გუნდს ორბურთიანი უპირატესობა მოიპოვა, თუმცა სლავიამ ამ უპირატესობის შენარჩუნება ვერ მოახერხა.

78-ე წუთზე დანიელ ბასიმ გაქვითა ერთი ბურთი, 90-ე წუთზე კი სონდრე ფეტმა გაიტანა გამათანაბრებელი გოლი და ნორვეგიელებს მნიშვნელოვანი ქულა მოუტანა.