ვან ნისტელროის მიმართვა მანჩესტერის გულშემატკივრებს

რუუდ ვან ნისტელროიმ მანჩესტერ იუნაიტედის გულშემატკივრებს მიმართა.

"ყველას მანჩესტერ იუნაიტედის საფეხბურთო კლუბში, განსაკუთრებით სტაფს, მოთამაშეებსა და გულშემატკივრებს. მინდა, მადლობა გადაგიხადოთ მთელი ჩემი გულით თქვენი საოცარი მხარდაჭერისთვის.

პრივილეგია და პატივი იყო ამ კლუბის მოთამაშეობა, მწვრთნელობა და მენეჯერობა, ყოველთვის ძვირფასი იქნება ის მოგონებები, რომლებიც ერთად გავიზიარეთ.

მან იუნაიტედს ყოველთივს ექნება განსაკუთრებული ადგილი ჩემს გულში და იმედი მაქვს, რომ ოლდ ტრაფორდზე მალე დადგება დიდების დღეები - არა მარტო იმიტომ, რომ მინდა, კლუბმა წარმატებას მიაღწიოს, არამედ იმიტომაც, რომ თქვენ ყველა ამას იმსახურებთ!

ყველაფერ საუკეთესოს გისურვებთ, თავს გაუფრთხილდით, რუდი". - წერს ნიდერლანდელი.

ვან ნისტელროი გასულ ზაფხულს ერიკ ტენ ჰაგის ასისტენტად დაინიშნა, მისი წასვლის შემდეგ კი გუნდის დროებითი მწვრთნელი გახდა 4 მატჩის განმავლობაში. მან ეს პერიოდი დაუმარცხებლად ჩაატარა.

რუბენ ამორიმის მოსვლის შემდეგ კი ნიდერლანდელმა მანჩესტერ იუნაიტედი ოფიციალურად დატოვა.