ვესტ ჰემმა ლოპეტეგის ნაცვლად გრემ პოტერი დანიშნა

ხულენ ლოპეტეგის გათავისუფლების შემდეგ, ვესტ ჰემმა მთავარ მწვრთნელად გრემ პოტერი დანიშნა.

49 წლის ინგლისელმა სპეციალისტმა ჩაქუჩებთან 2.5-წლიანი კონტრაქტი გააფორმა და პირველ მატჩს გუნდის სათავეში პარასკევს, ინგლისის თასზე, ასტონ ვილას წინააღმდეგ გამართავს.

გრემ პოტერი 2023 წლის აპრილის შემდეგ უმუშევარი იყო, როცა ის ჩელსის მთავარი მწვრთნელის თანამდებობიდან დაითხოვეს.

20 ტურის შემდეგ ვესტ ჰემი 23 ქულით მე-14 პოზიციას იკავებს, ბოლო 5 მატჩში გუნდმა მხოლოდ ერთი გამარჯვება მოიპოვა (2 ფრე, 2 მარცხი).