ვიდეო: არგენტინამ პერუ ლაუტაროს გოლით დაამარცხა

სამხრეთ ამერიკაში, მსოფლიო ჩემპიონატის საკვალიფიკაციო ეტაპის მატჩში არგენტინის ნაკრებმა ბუენოს აირესში პერუ მიიღო.

პირველი ტაიმი უგოლოდ დასრულდა. შეხვედრის მეორე ნახევარში კი მატჩის ბედი ერთადერთმა გოლმა გადაწყვიტა.

55-ე წუთზე საჯარიმოში ლეო მესის ჩაწოდების შემდეგ ლაუტარო მარტინესმა ეფექტური დარტყმით აიღო მეტოქის კარი.

თამაშის დარჩენილ ნაწილში აღარაფერი შეცვლილა, არგენტინამ მინიმალური სხვაობის შენარჩუნება ბოლომდე მოახერხა და 1-0 მოიგო კიდეც.

12 მატჩის შემდეგ სკალონის გუნდს 25 ქულა აქვს და ცხრილს 5-ქულიანი უპირატესობით ლიდერობს, პერუ კი 7 ქულით ბოლო, მე-10 ადგილზეა. სამხრეთ ამერიკიდან მსოფლიო ჩემპიონატზე საუკეთესო 6 გუნდი პირდაპირ გადის.