ვიდეო: ბრაზილიამ და ურუგვაიმ ლამაზი გოლები გაცვალეს

სამხრეთ ამერიკაში, მსოფლიო ჩემპიონატის საკვალიფიკაციო ეტაპის მატჩში ბრაზილიის ნაკრებმა ურუგვაის უმასპინძლა.

შეხვედრის პირველი ტაიმი უგოლოდ დასრულდა, მეორე ტაიმში კი 2 ლამაზი გოლი ვიხილეთ.

55-ე წუთზე ანგარიში ფედერიკო ვალვერდემ გახსნა, რომელმაც თავის სტილში საჯარიმოს გარედან დარტყმით აიღო მასპინძელთა კარი. 62-ე წუთზე კი გადმოვარდნილი ბურთი მიწაზე დაუშვებლად ჟერსონმა გაგზავნა კარისკენ და ანგარიში გაათანაბრა.

საბოლოოდ მატჩი 1-1 დასრულდა და გუნდებმა თითო ქულა მოიპოვეს.

12 მატჩის შემდეგ ურუგვაის 20 ქულა აქვს და მე-2 ადგილზე იმყოფება, ბრაზილია კი 18 ქულით მე-5 პოზიციაზეა.

სამხრეთ ამერიკიდან მსოფლიო ჩემპიონატზე საუკეთესო 6 გუნდი პირდაპირ გადის.