ირანის ეროვნულმა ნაკრებმა აშშ-ის პრეზიდენტის, დონალდ ტრამპის განცხადებას ოფიციალური წერილით უპასუხა.
შეგახსენებთ, რომ მანამდე ტრამპმა ეჭვქვეშ დააყენა ირანელი ფეხბურთელების უსაფრთხოება შტატებში და აღნიშნა, რომ მათი ყოფნა მუნდიალზე „მართებული არ იქნებოდა“.
ირანული მხარის განცხადებით, მსოფლიო ჩემპიონატი ფიფას (FIFA) ეგიდით ტარდება და არცერთ ცალკეულ ქვეყანას არ აქვს უფლება, გუნდების მონაწილეობა საკუთარი პოლიტიკური შეხედულებების მიხედვით განსაზღვროს.
მსოფლიო ჩემპიონატი ისტორიული საერთაშორისო მოვლენაა, რომლის ორგანიზატორიც ფიფაა და არა რომელიმე კონკრეტული ქვეყანა. ირანის ეროვნული ნაკრები, თავისი სიმტკიცითა და გადამწყვეტი გამარჯვებების სერიით, რომელიც ირანის მამაცმა შვილებმა მოიპოვეს, ერთ-ერთი პირველი გუნდი გახდა, რომელმაც ამ დიდ ტურნირზე კვალიფიკაცია გაიარა.
ირანელების თქმით, თუ აშშ უსაფრთხოების გარანტიებს ვერ გასცემს, მასპინძლის სტატუსი თავად მას უნდა ჩამოერთვას:
რა თქმა უნდა, ირანის ნაკრების მსოფლიო ჩემპიონატიდან გარიცხვა არავის შეუძლია. ერთადერთი ქვეყანა, რომელიც შეიძლება ტურნირიდან მოიკვეთოს, არის ის, რომელიც მხოლოდ „მასპინძლის“ ტიტულს ატარებს, მაგრამ არ შესწევს უნარი, ამ გლობალურ ღონისძიებაზე მონაწილე გუნდების უსაფრთხოება უზრუნველყოს.
