ვიდეო: ბითაძის ორმაგი დუბლი ბრუკლინთან - ორლანდოს ქამბექი

NBA-ს რეგულარული სეზონის მორიგ მატჩში ორლანდო მეჯიქი ბრუკლინ ნეტსს დაუპირისპირდა და დაძაბულ ბრძოლაში 102-101 დაამარცხა.

პარკეტზე 34 წუთი გაატარა გოგა ბითაძემ, რომელიც მატჩში ერთ-ერთი საუკეთესო იყო. მან მიმდინარე სეზონში მე-13 ორმაგი დუბლი მიითვალა - 19 ქულა, 11 მოხსნა, 5 შედეგიანი გადაცემა. ქართველმა თამაშიდან 10-დან 8 ბურთი ჩააგდო.

მესამე მეოთხედში ორლანდო 21 ქულით აგებდა, თუმცა გუნდმა თამაშის ბოლო ნაწილში გაქცევა მოახერხა და მატჩის სცენარი თავის სასარგებლოდ მოატრიალა.

მეჯიქი 34 მატჩში 20 მოგებით აღმოსავლეთ კონფერენციაში მე-4 ადგილზეა.