ნინიაშვილი Tier 2-ში საუკეთესოა - სიმბოლურში 4 ქართველი მოხვდა

ცნობილმა სარაგბო გვერდმა Tier 2 Rugby-მ მეორე ეშელონის ქვეყნებიდან 2024 წლის საუკეთესო მოთამაშე გამოავლინა.

ნომინანტი 4 მოთამაშე იყო - უორნერ დარნსი (იაპონია), სირელი მაქალა (ფიჯი), დავით ნინიაშვილი (საქართველო) და ჯოშუა ტუისოვა (ფიჯი).

გამოკითხვის შედეგად ხმათა 52%-ით მეორე ეშელონის წლის საუკეთესო მოთამაშედ დავით ნინიაშვილი დასახელდა. ქართველი საუკეთესო 2022 წელსაც გახდა.

ასევე ამავე გვერდზე გამოვლინდა 2024 წლის საუკეთესო თხუთმეტეული მეორე ეშელონის ნაკრებებიდან, სადაც 4 ქართველი მოხვდა.

აბრამიშვილი (საქართველო), იკანივერე (ფიჯი), ალო-ემილე (სამოა), მაკფარლანდი (სამოა), დარნსი (იაპონია), საღინაძე (საქართველო), ბოტია (ფიჯი), გორგაძე (საქართველო), არატა (ურუგვაი), მუნცი (ფიჯი), სტორტი (პორტუგალია), ტუისოვა (ფიჯი), მაქალა (ფიჯი), რავუტაუმადა (ფიჯი), ნინიაშვილი (საქართველო)