VIDEO: ჰალანდისა და შერკის დუბლები - სიტიმ სტუმრად იმარჯვა

ინგლისის პრემიერ ლიგის მე-2 ტურში კრისტალ პალასმა საკუთარ მოედანზე მანჩესტერ სიტი მიიღო.

შეხვედრაში ანგარიში მე-17 წუთზე ერლინგ ჰალანდმა გახსნა, რომელმაც პრემიერ ლიგის მიმდინარე სეზონში პირველი გოლი გაიტანა.

54-ე წუთზე გოლების ანგარიში რაიან შერკიმაც გახსნა, აქედან 2 წუთში კი ჯანლუიჯი დონარუმას ავტოგოლით მასპინძლებმა ერთი ბურთი გაქვითეს, თუმცა 59-ე წუთზე შერკიმ დუბლი შეასრულა და ორბურთიანი სხვაობა აღადგინა.

84-ე წუთზე ერლინგ ჰალანდმაც ფრანგი თანაგუნდელის მსგავსად დუბლი შეასრულა და მატჩის საბოლოო ანგარიში (1-4) დააფიქსირა.

ენცო მარესკას გუნდი სეზონს უდანაკარგოდ იწყებს, ქალაქელებმა პირველ ტურში ბოლო წუთებზე მოტრიალებული თამაშით ბორნმუთი დაამარცხეს.

მანჩესტერ სიტი მომდევნო ტურში ეტიჰადზე ფრენკ ლამპარდის ქოვენთრის მიიღებს.