VIDEO: კვარას პირველი გოლი ლიგა 1-ში - პსჟ-მ ლიონს ბოლო წუთებზე მოუგო
3 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
ხვიჩა კვარაცხელიამ საფრანგეთის ლიგა 1-ის 2025-26 წლების სეზონში პირველი გოლი ლიონთან გაიტანა. პსჟ-მ ლიონელები მათსავე მოედანზე 3:2 დაამარცხა.
33-ე წუთზე, როცა ანგარიში 1:1 იყო, კვარაცხელიამ მასპინძელთა შეცდომითა და ვიტინიას კარგი ართმევით ისარგებლა და თავისიანები დააწინაურა.
ხვიჩას FlashScore-მა 8.2 დაუწერა (მასზე მეტი მხოლოდ ვიტინიამ მიიღო - 8.5), SofaScore-ის მიხედვით კი საერთოდ საუკეთესო იყო - 8.5, WhoScored-მა მისი თამაში 7.9 შეაფასა (ვიტინიას 8.0 ჰქონდა, კან-ინ ლის 7.9).
ქართველმა ჩემპიონატში პირველი გოლი შეაგდო და მე-3 საგოლე მოქმედება მიითვალა. თუ ჩემპიონთა ლიგასაც გავითვალისწინებთ, წელს 3 გოლი და 3 ასისტი აქვს.
პარიზულმა გრანდმა მატჩი ბოლო წუთებზე მოიგო - ჟოაუ ნევეშმა კუთხურიდან მოწოდებული თავით კარში გადაგზავნა და გუნდს ერთპიროვნული ლიდერობა შეუნარჩუნა.
12 ტურის შემდეგ, ლუის ენრიკეს გუნდს 27 ქულა აქვს და მარსელსა და ლანსს 2-2 ქულით უსწრებს. 22 ნოემბერს, პარკ დე პრენსზე ლე ავრს უმასპინძლებს.
