სიახლეები
სეტანტა
სპორტის გურუ
ქვიზები
2 დღის წინ · 0 წთ წასაკითხად
-
Aa
+
ფონტის ზომა
MLS-ის რეგულარული სეზონის ბოლო სათამაშო დღეს ატლანტა იუნაიტედი ორლანდო სიტის ეწვია. სასტარტო შემადგენლობაში იყო საბა ლობჟანიძე, რომელმაც თავისი გუნდის წარმატებაში მნიშვნელოვანი როლი ითამაშა.
მე-7 წუთზე ანგარიში სწორედ ქართველმა ფეხბურთელმა გახსნა. მე-16 წუთზე ჯორჯიელებმა ჯამალ ტიარის გოლით სხვაობა ორამდე გაზარდეს, ტაიმის ბოლოს კი მარტინ ოიედამ ერთი ბურთი გაქვითა და ანგარიში 1-2 გახადა, თუმცა მეორე ტაიმში გოლი აღარ გასულა და ატლანტამ მნიშვნელოვანი 3 ქულა მოიპოვა.
რეგულარულ სეზონში ჩატარებულ 34 მატჩში ლობჟანიძის გუნდმა 40 ქულა დააგროვა და აღმოსავლეთ კონფერენციაში მე-9 ადგილი დაიკავა. ამ შედეგით ატლანტამ პლეიოფში თამაშის უფლება მოიპოვა.
23 ოქტომბერს ატლანტა მონრეალს დაუპირისპირდება, მისი დამარცხების შემთხვევაში კი მომდევნო მეტოქე ლეო მესის ინტერ მაიამი იქნება.
საბა ლობჟანიძემ რეგულარული სეზონი 9 გოლითა და 6 საგოლე გადაცემით დაასრულა.
თ
თაზო ჩარკვიანი
კომენტარები