VIDEO: ნაპოლიმ მარადონაზე მილანს აჯობა და ინტერს ცხრილში გაქცევის საშუალება არ მისცა

იტალიის სერია ა-ს 30-ე ტურში ნაპოლიმ შინ მილანი დაამარცხა.

შეხვედრა დიეგო მარადონაზე გაიმართა და მასპინძელთა გამარჯვებით 2:1 დასრულდა.

კონტეს გუნდმა მე-19 წუთისთვის ორი გოლის გატანა პოლიტანოს და ლუკაკუს წყალობით შეძლო. სხვათაშორის, ბელგიელისთვის ეს მე-400 კარიერული გოლი აღმოჩნდა.

შესვენების შემდეგ მილანს თამაშში დაბრუნების საშუალება მიეცა, თუმცა სანტიაგო ხიმენესმა თერთმეტმეტრიანი ნიშნულიდან მერეტს ვერ აჯობა.

ერთი ბურთის გაქვეთა როსონერიმ 84-ე წუთზე მაინც შეძლო - თავი ლუკა იოვიჩმა გამოიჩინა. თუმცა, ნაპოლიმ დარჩენილ წუთებში უპირატესობა შეინარჩუნა და სამი ქულაც თავისთან დაიტოვა.

ნაპოლი 64 ქულა დააგროვა და ლიდერი ინტერის (67) დევნას აგრძელებს, მილანს კი 47 ქულა დარჩა და გუნდი მე-9 პოზიციას იკავებს ისე, რომ ოთხეულს უკვე 9 ქულით ჩამორჩება.

1-0 პოლიტანო (2')

2-0 ლუკაკუ (19')

ხიმენესის პენალტი (69')

2-1 იოვიჩი (84')