VIDEO: ორმაგი შეხების გამო გამეორებული პენალტი - საინტერესო შემთხვევა მანჩესტერის მატჩში

კრისტალ პალასი მანჩესტერ იუნაიტედთან მატჩში ჟან-ფილიპ მატეტას გოლით დაწინაურდა, რომელმაც გოლი მეორე ცდით შეაგდო.

მატჩის 32-ე წუთზე ლენი იორომ ფრანგზე თამაშის წესები დაარღვია, ბურთთან თავად მატეტა მივიდა და სენე ლამენსს აჯობა, თუმცა ვიდეორეფერიმ შეამჩნია, რომ ბურთი ფეხბურთელს საყრდენ ფეხზეც მოხვდა.

ახალი წესების თანახმად, ასეთ შემთხვევაში ფეხბურთელმა პენალტი ხელახლა უნდა შეასრულოს, რაც მატეტამ გააკეთა კიდეც და ლამენსს მეორედაც აჯობა.

ანალოგიური რამ მოხდა ჩემპიონთა ლიგის შარშანდელ გათამაშებაში, როცა 1/8 ფინალში ატლეტიკოს და რეალს გამარჯვებული პენალტების სერიაში უნდა გამოევლინა. ხულიან ალვარესს ბურთი საყრდენ ფეხზეც მოხვდა და გოლი საერთოდ გაუქმდა - სწორედ ეს მატჩი გახდა უეფასთვის მთავარი მოტივი, რომ ამ წესზე გადაეხედა.