VIDEO: უხვგოლიანი დრამა ბერნაბეუზე - რეალი სოსიედადთან გამოვარდნას გადაურჩა და თასის ფინალში გავიდა!

კოპა დელ რეის საპასუხო 1/2 ფინალში რეალმა და სოსიედადმა ნამდვილი უხვგოლიანი დრამა შემოგვთავაზეს.

პირველი მატჩი რეალს სტუმრად 1:0 ჰქონდა მოგებული და ამ თამაშს ზედმეტად მშვიდად შეხვდა, რის გამოც კინაღამ დაისაჯა.

სოსიედადი თამაშს ჯერ 1:0, შემდეგ 3:1 იგებდა, თუმცა რეალი თამაშში დაბრუნებას სულ ახერხებდა. მატჩის მიწურულს ბასკებმა მე-4 გაიტანეს და საქმე დამატებით დროში გადაიყვანეს.

მეორე ექსტრა-ტაიმში, როცა ყველაფერი თითქოს პენალტებისკენ მიდიოდა, გამათანაბრებელი გოლი ანტონიო რუდიგერმა გაიტანა. რეალმა ორი მატჩის ჯამში 5:4 მოიგო და კოპა დელ რეის ფინალში გავიდა, სადაც ატლეტიკო - ბარსელონას წყვილში გამარჯვებულს შეხვდება. პირველი მატჩი კატალონიაში ფრედ 4:4 დასრულდა.

გოლები: 

0-1 ბარენეჩეა 16'

1-1 ენდრიკი 30'

1-2 ალაბას ავტოგოლი 72'

1-3 ოიარსაბალი 80'

2-3 ბელინგემი 82'

3-3 ჩუამენი 86'

3-4 ოიარსაბალი 90+3'

4-4 რუდიგერი 115'