ზედიზედ მეორე გამარჯვება - სიტიმ წელი ვესტ ჰემის განადგურებით გახსნა

პრემიერ ლიგის მე-20 ტურში მან სიტიმ შინ ვესტ ჰემი გაანადგურა.

შეხვედრა ეტიჰადზე გაიმართა და მასპინძელთა გამარჯვებით 4;1 დასრულდა.

ერლინგ ჰალანდმა 2025 წელი დუბლით გახსნა, კიდევ ერთი გოლი ფილ ფოდენმა გაიტანა, ერთი კი ვესტ ჰემის მცველმა, ცოუფალმა საკუთარ კარში ჩაჭრა.

ლონდონელთა რიგებში ერთადერთი გოლი ნიკლას ფულკრუგმა გაიტანა, თუმცა ვესტ ჰემი განადგურებისგან ვერ იხსნა.

სიტიმ ლესტერის (2:0) დამარცხების შემდეგ, ზედიზედ მეორე გამარჯვება მოიპოვა, 34 ქულა დააგროვა და მე-6 ადგილზე იმყოფება, ვესტ ჰემი კი 23 ქულით მე-13 პოზიციაზეა.