ჟორჟი და ზურიკო გაძვირდნენ, ხვიჩას ცოტა დააკლდა - Transfermarkt-მა ლიგა 1-ს ფასები განაახლა

Transfermarkt-მა ფრანგული ლიგა 1-ს ფასები განაახლა.

ამ განახლების შედეგად საფრანგეთის ჩემპიონატში სამივე მოთამაშე ქართველის ფასი შეიცვალა.

ხვიჩა კვარაცხელიას ღირებულებამ დაიკლო და ის 85-ს ნაცვლად 80 მილიონ ევროდ ფასდება. თუმცა, ამის მიუხედავად, კვარა მაინც ლიგა 1-ს ყველაზე ძვირადღირებულ მოთამაშედ რჩება.

სამაგიეროდ, ღირებულება მოემატათ ზურიკო დავითაშვილს და ჟორჟ მიქაუტაძეს, რომლებიც ბოლო განახლებასთან [10 დეკემბერი 2024] შედარებით 2 მილიონით გაძვირდნენ.

ზურიკოს ფასი 8-ს ნაცვლად 10 მილიონი ევრო გახდა, მიქაუტაძე კი ამიერიდან 18-ს ნაცვლად 20 მილიონი ევრო ღირს.