ჩემპიონთა ლიგის 2026 წლის ფინალს ბუდაპეშტი უმასპინძლებს.
უეფამ ოფიციალურად დაადასტურა, რომ ორი წლის შემდეგ ჩემპიონთა ლიგის გადამწყვეტი დაპირისპირება უნგრეთში, პუშკაშ არენაზე გაიმართება, რომელიც 70 ათას ადამიანს იტევს და გასულ წელს ევროპა ლიგის ფინალს უმასპინძლა.
შეგახსენებთ, რომ წელს ჩემპიონთა ლიგის ფინალს ლონდონი, კერძოდ კი უემბლი მასპინძლობს, 2025-ში კი გადამწყვეტი მატჩი მიუნხენში, სტადიონ ალიანც არენაზე შედგება.
რაც შეეხება ევროპა ლიგას, გადამწყვეტი მატჩები 2025-ში ბილბაოს სტადიონ სან მამესზე გაიმართება, 2026-ში კი სტამბოლი უმასპინძლებს.
