გარი ლინეკერი ტრენტ ალექსანდრ არნოლდის რეალში წასვლის გადაწყვეტილებას მიესალმება.
წითლების აღზრდილმა ინგლისელმა მცველმა ლივერპულიდან სეზონის ბოლოს წასვლა ოფიციალურად დაადასტურა. თუ გაუთვალისწინებელი არაფერი მოხდა, ის კარიერას მადრიდის რეალში გააგრძელებს.
„სად მიდიან დიდი ვარსკვლავები? ისინი მიდიან მადრიდში ან ბარსელონაში. ვფიქრობ, მისთვის ახლა წასასვლელად იდეალური დროა. ხალხი იმაში ადანაშაულებს, რომ ლივერპული მისი წასვლით ფულს ვერ იშოვის, მაგრამ ეს მისი პრობლემა ნამდვილად არ არის.
ფეხბურთელი რომ მებაროს, ყოველთვის ვურჩევდი, რომ თავისი მოქმედი კონტრაქტი ჩააამთავროს. თუ კარგი ფეხბურთელი ხარ, ეს იდეალურ პოზიციაში გაყენებს. ამიტომ, რატომაც არ უნდა ჩაამთავრო კონტრაქტი, როგორც ცხოვრების ნებისმიერ სხვა სფეროში, შემდეგ კი წახვიდე სადაც შენ გინდა?
აღტაცებული ვარ იმით, რომ მას ეყო გამბედაობა და ეს გააკეთა. რთულია ლივერპულის დატოვება, მაგრამ ეს მისი ცხოვრებაა და არა ვინმე სხვის. შენ ყოველთვის იქცევი ისე, როგორც შენ გჭირდება." - აღნიშნა ინგლისის ნაკრების ექს-ფორვარდმა.
