საფრანგეთთან გამარჯვების შემდეგ, ესპანეთის ნაკრების 16 წლის შემტევმა, ლამინ იამალმა, სავარაუდოდ, ადრიენ რაბიოს უპასუხა.
მას შემდეგ, რაც მთავარმა არბიტრმა მატჩი დაასრულა, იამალმა კამერაში ორჯერ დაიყვირა: "ახლაც ილაპარაკე, ახლაც ილაპარაკე."
პრესა ვარაუდობს, რომ ეს სიტყვები ადრიენ რაბიოს ეკუთვნოდა, რომელმაც ნახევარფინალის წინ დასძინა, რომ იამალს ფინალში გასასვლელად იმაზე მეტი ექნება გასაკეთებელი, ვიდრე ამ ტურნირზე გააკეთა და კომფორტის ზონიდან მოუწევს გამოსვლა.
რაბიოს ამ სიტყვების გავრცელების შემდეგ, იამალმა სოციალურ ქსელში ციტატა გამოაქვეყნა: "იყავი ჩუმად. ილაპარაკე მხოლოდ მაშინ, შამათის თქმის დროა."
შეგახსენებთ, რომ საფრანგეთის კარში იამალმა ულამაზესი გოლით ანგარიში გაათანაბრა. ეს მისთვის ამ ევროზე პირველი გოლი იყო.
