არის კვარას პირველი გოლი პსჟ-ში! პარიზელებმა მონაკო გაანადგურეს

ფრანგული ლიგა 1-ს 21-ე ტურში პსჟ-მ მონაკო გაანადგურა.

პარკ დე პრენსზე გამართული შეხვედრა მასპინძელთა გამარჯვებით 4:1 დასრულდა.

პირველ ტაიმში გამარჯვებული ვერ გამოვლინდა - ვიტინიას მე-6 წუთზე გატანილ გოლს ზაკარიამ თავისი გოლით 17-ზე უპასუხა.

წინ გასვლა პარიზელებმა 54-ე წუთზე შეძლეს, როცა ხვიჩა კვარაცხელიამ ბრედლი ბარკოლასგან პასის მიღების შემდეგ, მცველი ელეგანტურად გაასრიალა და პსჟ-ს მაისურით თავისი სადებიუტო გოლის გატანა მოახერხა.

აქედან სამ წუთში უსმან დემბელემ პარიზელთა უპირატესობა გაზარდა, 90-ე წუთზე კი დუბლიც მიითვალა და საკუთარი პოზიციები ლიგა 1-ს ბომბარდირთა დავის სათავეში კიდევ უფრო გაამყარა.

კვარაცხელიამ მოედანზე 67 წუთი გაატარა, შემდეგ კი ადგილი გონსალო რამოშს დაუთმო.

პსჟ-მ 53 ქულა დააგროვა და მეორეადგილოსან მარსელს უკვე 13 ქულით უსწრებს, მონაკო 37 ქულით მესამეა.