სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
ინგლისის პრემიერ ლიგის მე-5 ტურის ცენტრალურ მატჩში მანჩესტერ სიტიმ ეტიჰადზე არსენალს უმასპინძლა.
შეხვედრაში ანგარიში მე-9 წუთზე სავინიოს პასის შემდეგ ერლინგ ჰალანდმა გახსნა, რომელმაც სიტის შემადგენლობაში მე-100 გოლი გაიტანა. მას ამისთვის 105 მატჩი დასჭირდა.
არსენალმა სიტუაცია თავის სასარგებლოდ პირველივე ტაიმში მოატრიალა. 22-ე წუთზე რიკარდო კალაფიორიმ შესანიშნავი დარტყმით გაათანაბრა ანგარიში, მსაჯის მიერ კომპენსირებულ დროში კი გაბრიელ მაგალაესმა ბუკაიო საკას ჩამოწოდებული კუთხურის შემდეგ არსენალი წინ გაიყვანა.
პირველი ტაიმი ამით არ დასრულებულა. მე-8 დამატებულ წუთზე ლეანდრო ტროსარმა თამაშის წესები დაარღვია და შემდეგ ბურთი გადააგდო, რის გამოც მეორე ყვითელი ბარათი დაიმსახურა და მოედნის დატოვება მოუწია, ლონდონელები კი 10 კაცით დარჩნენ.
მთელი მე-2 ტაიმის განმავლობაში სიტი რიცხობრივი უპირატესობის გამოყენებას ცდილობდა, რაზეც სტატისტიკაც მიუთითებს. გვარდიოლას გუნდს 87%-იანი ბურთის ფლობა ქონდა, 26-ჯერ დაარტყეს კარისკენ, საიდანაც 8 ზუსტი იყო, დავიდ რაიას კი 7-ჯერ მოუწია ბურთის მოგერიება.
საბოლოოდ სიტიმ მიზანს 98-ე წუთზე მიაღწია და ჯონ სტოუნსმა ანგარიში გაათანაბრა. არსენალმა ბოლომდე ვერ გაძლო და ეტიჰადზე მოპოვებულ ქულას დასჯერდა.
5 ტურის შემდეგ ქალაქელებს 13 ქულა აქვთ და სატურნირო ცხრილში პირველ ადგილზე არიან, არტეტას გუნდი კი 11 ქულით მე-4 ადგილზეა.
თ
თაზო ჩარკვიანი
კომენტარები