ატლეტიკო და ჩელსი გალაჰერის ტრანსფერში ფელიქსის ჩართვას განიხილავენ

სამუ ომოროდიონის ტრანსფერის ჩაშლის შემდეგ, მადრიდის ატლეტიკო და ჩელსი კონორ გალაჰერის თაობაზე მიღწეული შეთანხმების შენარჩუნებას ცდილობენ.

კლუბებს არ სურთ, რომ ომოროდიონის შემდეგ, სხვა შეთანხმებებიც ეჭვქვეშ დადგეს.

ფაბრიციო რომანოს ინფორმაციით, ამ ეტაპზე კლუბები ინგლისელი კონორ გალაჰერის ტრანსფერში ჟოაო ფელიქსის ჩართვის ვარიანტსაც განიხილავენ.

გუშინდელი მოლაპარაკებების პროცესში ეს ვარიანტი პორტუგალიელის აგენტმა, ჟორჟე მენდეშმა წარმოადგინა და კლუბები ამ შესაძლებლობაზე სერიოზულად ფიქრობენ.

ფელიქსმა 2022/23 სეზონის მეორე ნახევარი ჩელსიში იჯარით გაატარა, თუმცა ლონდონურ კლუბს მისი გამოსყიდვის მცდელობა აღარ ჰქონია.