ატლეტიკო ლა ლიგის საუკეთესო ბომბარდირს ყიდულობს

ატლეტიკო მადრიდი ჟირონას უკრაინელი თავდამსხმელის, არტემ დოვბიკის დამატებასთან ახლოსაა.

ფეხბურთელს მადრიდულ კლუბთან პირადი კონტრაქტი უკვე შეთანხმებული აქვს და კლუბების შეთანხმებას ელოდება.

ატლეტიკო მზადაა დოვბიკის 40-მილიონიანი გამოსასყიდი გადაიხადოს, ახლა კლუბები გადახდის სტრუქტურაზე აწარმოებენ მოლაპარაკებებს.

მადრიდულ კლუბში ლა ლიგის გასული სეზონის ბომბარდირი ალვარო მორატას შეცვლის, რომელიც რამდენიმე დღის წინ ოფიციალურად იტალიური მილანის ფეხბურთელი გახდა. 

გასულ სეზონში დოვბიკი ჟირონადან 24 გოლით ლა ლიგის საუკეთესო ბომბარდირი გახდა, როცა ვილიარეალელ ალექსანდრ სორლოტს 1 გოლით გადაუსწრო.