ბარსელონამ ბრესტი მიწაზე დააბრუნა

ჩემპიონთა ლიგის მე-5 ტურში ბარსელონამ შინ ბრესტი გაანადგურა.

შეხვედრა მონტჟუიკზე გაიმართა და ბარსას გამარჯვებით 3:0 დასრულდა.

დუბლით თავი რობერტ ლევანდოვსკიმ გამოიჩინა, კიდევ ერთი გოლი კი დანი ოლმომ შეაგდო.

პოლონელი ფორვარდისთვის ეს ჩემპიონთა ლიგაზე მე-100 და 101-ე გოლები აღმოჩნდა და ის მესამე ფეხბურთელია ისტორიაში, მესის და რონალდუს შემდეგ, ვინც სამნიშნა ციფრებამდე ავიდა.

ბარსამ 12 ქულა დააგროვა და სატურნირო ცხრილში მე-2 ადგილზე გადაინაცვლა, ბრესტმა კი 4 ტურში მოპოვებული 10 ქულის შემდეგ ტურნირზე პირველი მარცხი იწვნია და მე-9 ადგილს იკავებს.