როგორც ესპანური პრესა წერს, ნიკო უილიამსი ბარსელონაში გადასვლას არ ჩქარობს და კიდევ მინიმუმ ერთი წლით ბილბაოს ატლეტიკში დარჩენაზე ფიქრობს.
ჯერჯერობით ფეხბურთელის გადაწყვეტილება ოფიციალურად არ გამოცხადებულა, თუმცა სიტუაცია უფრო დარჩენისკენ იხრება, ვიდრე ბარსელონაში წასვლისკენ.
La SER-ის ინფორმაციით, ბარსელონა ფეხბურთელის ამ პოზიციამ განარისხა და კლუბმა ფეხბურთელს ულტიმატუმიც წაუყენა: ის ან ახლავე გადმოდის ბარსელონაში, ან მომავალ ზაფხულს მის შეძენას კლუბი აღარ ეცდება.
"ბარსელონას მატარებელი მხოლოდ ერთხელ მოდის და მომავალ ზაფხულს აღარ იქნება." - ასეთ მესიჯს უგზავნის ბარსელონას ხელმძღვანელობა ნიკო უილიამსს.
როგორც ცნობილია, ბარსელონას ფეხბურთელთან პირადი კონტრაქტი შეთანხმებული აქვს და კლუბი მზადაა მისი გამოსასყიდი გადაიხადოს, თუმცა ნიკოს ჯერჯერობით ტრანსფერზე საბოლოო თანხმობა არ განუცხადებია და ყველა მისი პასუხის მოლოდინშია.
