ბასილაშვილი ავსტრალიის ღია პირველობას პირველ რაუნდში გამოეთიშა

სტარტი აიღო ავსტრალიის ღია პირველობამ, რომლის პირველ რაუნდშიც ნიკოლოზ ბასილაშვილი ჩეხ იაკუბ მენშიკს დაუპირისპირდა.

ქართველი 4 სეტში (1-6, 7-6, 3-6, 3-6) დამარცხდა და გრანდ სლემს პირველივე ეტაპზე გამოეთიშა.

ჩეხი ჩოგბურთელი ATP რეიტინგში 48-ე პოზიციას იკავებს.

ბასილაშვილი ძირითად ბადეში კვალიფიკაციის გავლით მოხვდა, სადაც მან ჰიუიტს, კაჩმაზოვსა და პასაროს აჯობა.

ავსტრალიის ღია პირველობა 26 იანვრამდე გაგრძელდება. ტურნირის მოქმედი გამარჯვებული იტალიელი იანიკ სინერია.