ბენიტესი: "არ ვარ დარწმუნებული, რომ ალონსო ლივერპულში მუშაობისთვის მზად არის"

რაფა ბენიტესი არ არის დარწმუნებული, რომ ჩაბი ალონსო მზად არის ლივერპულის გაწვრთნისთვის.

 

ესპანელი სპეციალისტი ალონსოს 2004-2009 წლებში წვრთნიდა.

 

„მას დიდი სახელი აქვს, კარგი პროფესიონალია, შესანიშნავი და ჭკვიანი ადამიანი, რომელიც ლევერკუზენში დიდებულად მუშაობს, ამიტომ ჩემთვის გასაგებია, რატომ ინტერესდება მისით ლივერპული.

 

მას აქვს პოტენციალი, რომ ძალიან კარგი მწვრთნელი გახდეს. თუ კარგი ფეხბურთელები ეყოლება, წარმატებებს აუცილებლად მიაღწევს, მაგრამ შეძლებს ის იგივეს გაკეთებას 5, 10 წლის მანძილზე? არ ვიცი.

 

ახლა მას შეუძლია ნებისმიერ გუნდში გადავიდეს, მაგრამ იქ უკვე ტიტულების მოლოდინი იქნება. თუ მეორეზე გახვალ, შესაძლოა დიდებული სეზონიც გქონდეს, მაგრამ ხალხი მაინც იტყვის, რომ ჩაფლავდი.

 

ადრე შეცდომის დაშვება და გაკვეთილად გათვალისწინება შეიძლებოდა, რომ მეორე წელს სულ სხვა გუნდი გყოლოდა. ახლა კი, სოც ქსელები, პრესა და მთელი ეს ბლა-ბლა-ბლა შესაძლოა ძალიან ცუდად აისახოს ახალგაზრდა მწვრთნელებზე." - აღნიშნა ესპანელმა.